Пара алганы видеотасмага тартылып калган Жол-кайгуул кызматынын 2 инспектору административдик жоопкерчиликке тартылды

Пара алуу учурунда видеотасмага тартылып калган Жол-кайгуул кызматынын инспекторлору жазага тартылышты. Бул тууралуу бүгүн, 14-мартта Бишкек ШИИББинин басма сөз кызматы жарыялады.

Маалым болгондой, 5-мартта интернетте видеотасма пайда болгон. Анда Жол-кайгуул кызматынын 2 кызматкери пара алып жаткандыгы чагылдырылган.

“Тергөө амалдарынын натыйжасында Бишкек ШИИББинин Жол-кайгуул кызматынын 2 инспектору административдик жоопкерчиликке тартылды. Бири кызматынан алынды, экинчиси тартиптик жаза тартты”,- деп билдиришти мекеменин басма сөз кызматынан.

Автор: Нургазы Аматов