Эртең Нооруз майрамына карата өтүүчү концертке катышуу үчүн Кубаныч Сатаев, Нурлан Насип жана башка эстрада жылдыздары АКШга учуп кетишет

АКШга барып, Нооруз майрамын жердештери менен бирге майрамдай турган ырчылардын саны быйыл сегизди түзөт.

Эртең, 18-мартта эстрада жылдыздары Алтынай Нарбаева, Аскат Мусабеков, Кубаныч Сатаев, Кубаныч Ажыбаев, Кундуз Канатбек кызы, Нурлан Насип, Сайкал Садыбакасова жана Элмирбек Иманалиев АКШга учуп кетишет. 8 кишиден турган топ АКШда жүргөн кыргыздар үчүн Нооруз майрамына карата жандуу үн менен концерт тартуулашат. Бул тууралуу бүгүн, 17-мартта Кубаныч Сатаев SUPER.KG порталына билдирди.

Анын айтымында, концерттер чоң-чоң залдарда уюшулат жана жылдагыдан көп сандагы ырчылар катышууда. “Бизге маалым болгондой, 21-мартта Чикагодо, 22-мартта Нью-Йорк шаарында, 23-мартта Филадельфия шаарында ырдайбыз”,- дейт ал.

Кошумчалай кетсек, мындай маанидеги иш-чараларды АКШдагы “Кыргыз, салам!” бирикмеси 5 жылдан бери уюштуруп келет.

Автор: Максат Кудайбердиев