Бишкектен "17 килограмм маңзатты Орусияга алып бараткан" деп шектелген жаран кармалды

17-мартта Бишкектен "баңгизатты Кыргызстандын аймагынан өткөрүп, Орусияга жеткирүүгө аракет кылган" деп шектелип КРнын жараны кармалды. Бул тууралуу бүгүн, 18-мартта КРнын Баңгизаттарды көзөмөлдөө боюнча мамлекеттик кызматынын (БКМК) басма сөз кызматы жарыялады.

Маалыматка ылайык, кылмышка шектүүнү текшерүүгө алганда, андан 17 килограмм 320 грамм апийим табылды. Бул факты боюнча кылмыш иши козголду. Мындан тышкары БКМКнын кызматкерлери анын турак жайынан 3 килограмм 990 грамм героин табышты. Бул факты боюнча тергөө амалдары жүрүп жатат.

Автор: Нургазы Аматов