Тиматиге сүйүктүүсү, фотомодель Алёна Шишкова кыз төрөп берди

Орусиянын "Фабрика звёзд" долбоорунун катышуучусу, рэп ырчысы Тимати биринчи жолу ата болуу бактысына ээ болуп, кубанып турган чагы. Тагыраак айтканда, ага сүйлөшүп жүргөн кызы, 21 жаштагы фотомодель Алёна Шишкова кыз төрөп берди. Бул тууралуу рэпер 19-мартта Instagram`га "мына, менин да туягым улана баштады..." деп жарыялап, төрөт үйүнүн залынан түшкөн сүрөтүн жайгаштырган.

Рэпер маалымдагандай, ымыркай Доминикан Республикасындагы клиникалардын биринде 4 килограмм салмакта жарыкка келген. Боюнун узундугу - 53 сантиметр. Ага Алиса деген ысым ыйгарышкан.

Белгилей кетсек, эки жаштын махабаты тууралуу ушактар байма-бай айтылып жүргөнү менен, Алёнанын кош бойлуулугу тууралуу жакындарынан башка эч ким билген эмес.

Азырынча эки жаш расмий түрдө баш кошуу тууралуу эч кандай маалымат берише элек.

Автор: Дамира Арстанова