Бүгүн, 20-мартта Беловодск айылындагы мектепке чейинки балдар үйүнүн бөбөктөрү Нооруз майрамын белгилешти (фоторепортаж)

Балдар уктоочу бөлмө

Бул балдар жасанып жүрүү үчүн уюшулган.

Бул залда балдар ойношот.

Ыктыярчылар алып барган оюнчуктарды таратуу учуру.

Балдар ыктыярчылар менен да бийлешти.

"Мени да сүрөткө тартыңызчы..." дешет тизиле калган татына кыздар.

"Бизди тарбиячылар урушпайт, алар бизди жакшы көрүшөт",- дейт мотурайган жароокерлер.

Балдар тарбиячылар менен бийлеп жатышат.

Жагымдуу маанайга күбө болгон бөбөктөр кол чаап гана отрушту.

Майрамга күбө болгон ыктыярчылар

Балдар үйүндө ар бир бала таланттуу.

Майрамга күбө болгон баёо мүнөз бөбөктөр

Балдар оюн-зоок тартуулап, залды күлкүгө бөлөштү.

Матрёшка образындагы кичинекей кыздар

Келечектеги кыргыз эстрадасынын ырчылары...

Жарашыктуу кийинген татына кыздар чимириле бийлешти.

Балдар кыргыздын кыз куумай улуттук оюнун мыкты ойношту.

Беловодск мектепке чейинки балдар үйүнүн балдары берилүү менен " Манас" айтышууда.

Бүгүн, 20-мартта Беловодск айылындагы мектепке чейинки балдар үйү өзгөчө шаңга бөлөндү. Дегеним, ыктыярчылардын демилгеси менен Нооруз майрамына карата бөбөктөргө концерттик программа уюштурулуп, жагымдуу маанай түзүлдү. Келген конокторго аталган балдар үйүнүн тарбиялануучулары ырдап-бийлеп, оюн-зоок тартуулашты.

“Беловодск балдар үйүндө 3 жаштан 7 жашка чейинки 100 бала тарбияланат. Алардын 60ка жакыны аз камсыз болгон үй-бүлөлөрдүн балдары. Ата-энелик укугунан ажырагандардын балдары да ушул категорияга кирет. Ал эми калган 40 баланын ата-энеси, туугандары дем алыш күндөрү келип учурашып турушат. Ал ата-энелер оор турмушка кабылып, чүрпөлөрүн биздин үйгө тапшырууга аргасыз болгондор. Бул жакта биз балдарды мектепке чейин даярдап, анан интернатка өткөрүп беребиз. Бизге жардам көрсөткөндөр көп. Ошондуктан балдар бүгүн жакшынакай кийимдерди кийип жүрүшөт. Аларга чоң рахмат!”- деди келген конокторго ыраазычылык билдирген балдар үйүнүн жетекчиси Анна Горохова.

Автор: Динара Абдыкадырова
Фото: Динара Абдыкадырова