Бишкек шаарындагы "Ала-Тоо" аянтында Нооруз майрамына карата театрлаштырылган концерттик программа болууда (фоторепортаж)

Сахнанын эки бурчуна селкинчектер орнотулуптур.

Быйыл борбордук аянтка 4 боз үй тигилди.

Аянтта кыргыз күүлөрү да жаңырды.

Майрамдык көрүнүштөн...

Оркестрдин коштоосунда ырлар жаңырды.

Күн нурун чагылдырган бий элге тартууланды.

Майрамдык салтанаттын жүрүшүнөн...

Элге ар улуттун бийлери тартууланды.

Майрамдык салтанаттын жүрүшүнөн...

Элге "Кара жорго" бийи тартууланууда.

Ильяз Андаш элди Нооруз майрамы менен куттуктап, ыр белек сунду.

Майрамдык салтанаттын жүрүшүнөн...

Майрамдык иш-чарага Бишкек шаарынын мэри Кубанычбек Кулматов өзү да күбө болуп отурду.

Аянтка кары-жаш дебей келишкен.

Карылар үчүн аянтка атайын отургучтар коюлуптур.

Ырчыларга кошулуп бийлеген бөбөк.

Майрамдык салтанаттын жүрүшүнөн...

КРнын Эмгек сиңирген артисти Айчүрөк Иманалиева менен Курал Чокоев элге ыр белек сунушту.

Элге ар улуттун бийлери тартууланды.

Майрамдык көрүнүштөн...

КРнын Эмгек сиңирген артисти Динара Акулова кыргыз элин Нооруз майрамы менен куттуктап, ыр белек сунду.

Жаштар ордо оюнунун заманбап түрүн ойношууда.

Ордо оюнунун заманбап түрүндө минтип акча коюлат экен.

Майрамдоо менен бирге өз ишин аткарып жүргөн сатуучу.

Аянтта шаардыктар үчүн атайын көңүл ачуучу нерселер уюштурулган.

Сүмөлөктөн сырткары нандын түрлөрү сатылууда.

Мурдагы жылдардан айырмаланып быйыл сүймөлөк сатуучулар "Ала-Тоо" аянтына киргизилбептир. Алар Тыныстанов көчөсүнүн боюнан орун алышкан экен.

Сүмөлүктүн 100 граммы 30 сомдон сатылууда.

Сатуучулар сүмөлөгүнүн жанына өнүп жаткан буудайды да коюп алышыптыр.

Сүмөлөк сатууну бизнеске айланткандар минтип атайын банкаларга салып алып келишиптир.

Бүгүн, 21-мартта Бишкекте, борбордук "Ала-Тоо" аянтында Нооруз майрамын белгилөө иш-чарасы башталды. Күн бир аз бүркөк болсо да, элдин маанайы "5". Аянтка боз үй тигилип, театрлаштырылган концерттик программа жүрүп жатат. Нооруз майрамы келгени жар салынып, арча түтөтүлүп, алас айтылды. Майрамдык салтанат кыргыз эстрада жылдыздарынын аткаруусундагы "Нооруз" ыры менен ачылды.

Бул ыр жаңырган соң сахнага президенттин аппаратынын жетекчиси Данияр Нарымбаев, өкмөттүн аппарат жетекчиси Нурканбек Момуналиев чыгып, шаар тургундарын жана конокторун бүгүнкү улуу Нооруз майрамы менен куттуктап, элге тынчтык, токчулук, бакыт каалашты. Ушундан кийин концерттик программа ачык деп жарыяланып, элге ар улуттун ыр-бийлери тартуулана баштады.

Негизи, бүгүн "Ала-Тоо" аянтында жүргөн элдин маанайы көтөрүңкү десек болот. Айрымдары ырчы-бийчилерге кошулуп ырдап-бийлеп жатышты. Аянтта шаардыктар үчүн атайын оюн-зооктор уюштурулуптур.

Албетте, Нооруз майрамын сүмөлөксүз элестетүү кыйын. Өлкөбүздүн ар кайсы бурчунан жасалып алынып келинген сүмөлөктү эл сатып алып, тамшануу менен жеп жатышканына күбө болдук. Бул жылы сүмөлөктүн 100 граммы 30 сомдон сатылууда.

Нооруз - көӊүл көтөргөн көктөм майрамы

Автор: Дамира Арстанова
Фото: Динара Абдыкадырова

12:17 21-03-2014

Жазылуу

РУБРИКАДАГЫ СОҢКУ КАБАРЛАР

14:52 2025-05-07 | Коом жана турмуш

Билим берүү министрлиги чет элдик студенттер окуган ЖОЖдордогу көзөмөлдү күчөтүүнү тапшырды 45 0

14:29 2025-05-07 | Түркүн дүйнө

Индия-Пакистан чек арасындагы кырдаал: Эки тараптан канча адам каза болгону айтылды 475 0

14:24 2025-05-07 | Бизнес-Инфо

Кыргызстанда 7 май – Байланыш күнү: О! командасынын атынан куттуктоо 96 0

14:20 2025-05-07 | Бизнес-Инфо

Bakai Bank ардагерлерди Жеңиш күнү менен куттуктады 95 0

13:05 2025-05-07 | Коом жана турмуш

"Күйөөм баланын майып экенин билгенден кийин кайрылып келген жок" дейт Айдай айым (видео) 642 0

13:02 2025-05-07 | Коом жана турмуш

"Япониядагы жашоом тууралуу кино тарткым келет" дейт Күн Чыгыш өлкөсүндө эмгектенген Каныкей (маек) 2070 0

Архив

Комментарийлер (3)

artur007

2014-03-21 13:11:18

азыркы окмот башчылары тым эле майрамды уюштурганга шыктуусунар. канча кыргыз жерлерин коншу мамлекетер тосуп алып жатат эмне жумуш кылып жатасынар озу. креслону кучактап уйкудан бошобой жатасынарда

tumar88

2014-03-21 20:35:22

Сонун болуптур, аииий бир коз жоосун алган укмуш майрам болуптур. Элдер, кыргыз калкы ушундай маданиятка жакындап, пикеттерден алыс болуп жатканы суйундурот. Бар бол ак калпак Кыргызым!

merim

2014-03-22 12:26:01

НООруз майрамын менен кыргыз калкым!

Комментарий калтыруу үчүн өз ысымыңыз менен кириңиз же каттоодон өтүңүз.