Ооганстан: Кабулда согушчандардын чабуулунан 9 адам каза болду

Кабулда согушчандардын чабуулунан 9 адам каза болду. Бул тууралуу чет элдик маалымат булактары 21-мартта жазып чыгышты.

Маалыматка караганда, Ооганстандын Кабул шаарынын ортосунда жайгашкан “Serena” мейманканасына төрт согушчан чабуул койгон. Алар мейманкананын ичине киришип, конокторду ата башташкан. Коопсуздук кызматкерлери алардын бирин кармашып, калганын өлтүрүшкөн. Азырынча чабуул жасагандардын максаты белгисиз болууда.

Айта кетсек, аталган мейманканада көбүнчө чет өлкөлүктөр турушчу.

Автор: Бекжан Рыскулов