Караколдо селкинчек кулап, андан жабыркаган кыздардын абалы жакшы

Караколдо селкинчек кулап, андан жабыркаган эки кыздын абалы жакшы. Бул тууралуу Каракол шаардык мэриясынын аппарат жетекчиси Абай Алымкулов бүгүн, 21-мартта билдирди.

Айтымында, окуя саат 13:00 чамасында катталган. Анда Нооруз майрамына карата курулган алты баканга 20га жакын бала чыгып алышып селкинчек тээп жатканда көтөрө албай кулап түшкөн. Натыйжада 2003-жылы туулган Алмазбек кызы Нурзат жана 2004-жылы туулган Алмазбек кызы Айдана жаракат алып, облустук ооруканага жеткирилишкен. Учурда алар медициналык кароодон өтүп, үйлөрүнө жөнөтүлүштү.

Автор: Бекжан Рыскулов