Куурчак театрында Куурчак ойнотуучулардын күнү белгиленди (фоторепортаж)

Куурчактарга жан киргизген актёр-актрисалар...

Балдар спектаклди кызыгуу менен көрүп жатышты.

Бөбөктөр "Кара жорго" бийин бийлешүүдө.

Бөбөктөр "Гангнам стайл" бийин бийлешүүдө.

Кыздар командасы аркан тартышууда.

Иш-чаранын жүрүшүндө балдар жомоктун каармандары менен биргеликте аркан тартышты.

Иш-чаранын жүрүшүндө балдар жомоктун каармандары менен биргеликте аркан тартышышты.

Топчубек менен Ширингүл балдарга жагымдуу маанай тартуулашууда.

Майрамдык салтанаттын жүрүшүнөн.

Жомоктогудай жасалган бурчта балдар сүрөткө түшүп жатышты.

Балдар мастерлердин жасап жаткан ишин таң калуу менен карап турушту.

Мастер кагаз менен клейден адамдын башын жасап балдарга көрсөтүүдө.

Мастер пластилинден түлкүнүн башын жасап балдарга көрсөтүүдө.

Куурчактарды өз колу менен ойноткон балдардын кубанычында чек жок.

21-Март - Бүткүл дүйнөлүк куурчак ойнотуучу чеберлердин күнү 23-мартта Муса Жангазиев атындагы Мамлекеттик куурчак театрында белгиленди. Иш-чарага келген балдар жана алардын ата-энелери алгач театрдын залына коюлган куурчактарды ойноп, мастерлердин куурчак жасап жаткан иштерине күбө болушту. Андан соң майрамдык салтанаттын концерттик бөлүгү башталып, бөбөктөр Топчубек, Ширингүл, Түлкү, Карышкыр сыяктуу жомок каармандары менен "Гангнам стайл", "Кара жорго" бийлерин тер чыкканча бийлешти. Майрамдык иш-чаранын алкагында балдар аркан тартышып, күч сынашты.

Концерттик программадан соң "Каардуу чал", "Теремок" спектаклдери тартууланды. Кичинекей көрүүчүлөр каармандар күлсө күлүп, кайгырса кайгырып көрүп отурушту.

Белгилей кетсек, Бүткүл дүйнөлүк куурчак ойнотуучу чеберлердин күнү Эл аралык куурчак театрынын ишмерлер союзунун демилгеси менен түзүлгөн. Бул күндү белгилөө идеясы белгилүү Иран куурчак театрынын ишмери Живаду Занфагарихого таандык. 2003-жылдын 21-мартынан бери бул майрам катары белгиленип, дүйнө жүзүндөгү куурчак ойнотуучу артисттердин башын бириктирип келет.

Автор: Дамира Арстанова