Аскер кызматкерлери "каракчылык кылган" деп шектелип кармалышты

Кылмышка шектелип кармалган 39 жаштагы Канат

Кылмышка шектелип кармалган 25 жаштагы Адилет

Кылмышка шектелип кармалган 23 жаштагы Асет

Кылмышка шектелип кармалган 24 жаштагы Мирлан

Кылмышка шектелип кармалган 23 жаштагы Бекболот

Аскер кызматкерлери каракчылык кылгандыгы үчүн кармалышты. Бул тууралуу Бишкек ШИИББинин басма сөз кызматы бүгүн, 24-мартта билдирди.

Маалыматка караганда, 19-марттан 20-мартка караган түнү саат 01:30 чамасында Бишкек шаарынын Тынчтык проспекти менен Фрунзе көчөсүнүн кесилишиндеги “Люкс” караоке-клубуна белгисиз бет капчан адамдар кирип келишип, Корея Республикасынын А.Е. аттуу жаранын коркутуп, 3000 доллар акчасын жана 6 даана уюлдук телефонун алып кетишкен.

Бул кылмышка шектүүлөр кармалып, аты-жөнү такталды.

- Т.Канат, 39 жашта, Ысык-Көл облусунун тургуну. Ал Бишкек шаарындагы Аскер бөлүктөрүнүн биринин сержанты болгон.

- К.Адилет, 25 жашта, Нарын облусунун тургуну. Ал Бишкек шаарындагы Аскер бөлүктөрүнүн биринин сержанты болгон.

- И.Асет, 23 жашта, Чүй облусунун тургуну. Бишкек шаарындагы Аскер бөлүктөрүнүн биринин кичи сержанты болгон.

- Б.Мирлан, 24 жашта, Нарын облусунун тургуну. Убактылуу иштебейт.

- Бекболот, 23 жашта, Нарын облусунун тургуну. Убактылуу иштебейт.

Учурда КРнын Кылмыш-жаза кодексинин 168 (каракчылык) беренеси боюнча кылмыш иши козголуп, тергөө амалдары жүрүп жатат.

Автор: Бекжан Рыскулов