Сокулук районунда жөө жүрүүчүнү унаасы менен сүзүп, окуя болгон жерден качып кеткен айдоочу кармалды

Сокулук районунда жөө адамды унаасы менен сүзүп, окуя болгон жерден качып кеткен айдоочу кармалды. Бул тууралуу Чүй ОИИББинин басма сөз кызматы бүгүн, 24-мартта билдирди.

Маалыматка караганда, жол кырсыгы 21-март күнү саат 00:40 чамасында Военно-Антоновка айылында катталган. Анын кесепетинен 20 жаштагы жаран алган жараатынан улам ооруканадан көз жумган.

Бул кылмышка шектелип 1980-жылы туулган Бишкек шаарынын тургуну кармалды. Ал Форд Мондео унаасын башкара албай жөө жүрүүчүнү сүзүп алган.

Учурда бул факт боюнча кылмыш ишин козгоо же козгобоо маселеси каралып жатат. Тергөө амалдары жүрүүдө.

Автор: Бекжан Рыскулов