"Бишкек башкы архитектура" мекемесинин кызматкерлерине кылмыш иши козголду

"Бишкек башкы архитектура" мекемесинин кызматкерлерине кылмыш иши козголду. Бул тууралуу Башкы прокуратуранын басма сөз кызматы бүгүн, 27-мартта билдирди.

Маалыматка караганда, аталган мекеменин кызмат адамдары мыйзамды бузуп, 2010-жылы кызыл сызыктан тыш жайгашкан 0,014 гектар жер тилкесин Г.Фалько аттуу жаранга сатып жиберишкен. Ал бул үчүн 300 миң сом төлөгөн. Ушуга окшогон бир катар мыйзам бузуу фактылары катталган.

Учурда “кызмат абалынан кыянаттык менен пайдалануу” жана “жер мыйзамын бузуу” беренелери боюнча кылмыш иши козголуп, тергөө амалдары жүрүп жатат.

Автор: Бекжан Рыскулов