Экотехинспекциянын кызматкерлерине "мыйзамсыз сыйлык алуу" беренеси боюнча кылмыш иши козголду

Экономикалык кылмыштарга каршы күрөшүү мамлекеттик кызматынын Ысык-Көл жана Нарын облустары боюнча башкармалыгынын кызматкерлери тарабынан экотехинспекциянын кызматкерлеринин мыйзамсыз сыйлык алуу фактысы аныкталды. Бул тууралуу Экономикалык кылмыштарга каршы күрөшүү мамлекеттик кызматы бүгүн, 27-мартта билдирди.

Маалыматка караганда, мурда алынган 10 миң сом өлчөмүндөгү мыйзамсыз сыйлыкты кайтаруу учурунда экотехинспекциянын кызматкерлери кармалышкан.

Учурда “кызматкерлер тарабынан мыйзамсыз түрдө сыйлык алуу” беренеси боюнча кылмыш иши козголуп, тергөө амалдары жүрүп жатат.

Автор: Бекжан Рыскулов