Бишкекте бий топторунун арасында сынак өтүп, "Назик" бий тобу баш байгеге ээ болду

Сынактын уюштуруучулары Нурлан Намазбеков жана Кундуз Аманова.

Сынактын жүрүшүнөн...

Сынактын уюштуруучулары калыстар тобу менен.

Сынактын жүрүшүнөн...

Гран-приге ээ болгон "Назик" бий тобунун жетекчиси Назиктин кубанычында чек жок болду.

Бийчилердин өнөрүн баалаган калыстар тобу дасыккан бий чеберлеринен жана чыгармачыл адамдардан турду.

26-мартта Бишкектеги бий топторунун арасында "Бий ордо-2014" сынагы болуп өттү. Сынакта "Береке", "Назик", "Дея" жана "Жаз" бий топтору күч сынашты. Жыйынтыгында өзгөчө таланты, ийкемдүүлүгү менен калыстардын жана көрүүчүлөрдүн купулуна толгон "Назик" бийчилер тобу баш байгеге ээ болду.

Аталган сынактын уюштуруучусу, "Азия Нур" бий тобунун жетекчиси Нурлан Намазбековдун айтымында, ага 7-10 жаштагы кыздар-балдар катышкан.

"Бул сынакты "Келечек" балдар студиясы менен биргеликте уюштурдум. Бийчилердин өнөрлөрүн чыгармачыл адамдар, "Wi`ll be" дасыккан бийчилер тобунун негиздөөчүсү Эрмек Керимбаев, хореографтар Екатерина Цой, Адилет Төрөбеков жана ырчылар Анжелика, Юлия Руцкая баалашты. Ар бир группада 8ден бийчи бийледи. Жыйынтыгында калыстардын чечими менен баш байге "Назик" бий тобуна ыйгарылып, алар концерттик программасын бекер тарттыруу укугуна ээ болушту. Ал эми 1-орунду "Жаз", 2-орунду "Береке", 3-орунду "Дея" бий топтору ээлешти. Катышкан 32 бийчиге тең грамоталар жана сыйлуу белектер тапшырылды",- дейт уюштуруучу.