Медер Тилекматов: "2014-жылы Ысык-Көлгө келген туристтердин санынын көбөйүшү күтүлүүдө"

2014-жылдын жай мезгилинде мурдагы жылдарга салыштырмалуу Ысык-Көлгө келген ички жана сырткы туристтердин санынын көбөйүшү күтүлүүдө. Бул тууралуу бүгүн, 28-мартта маалымат жыйынында “Ысык-Көл Аврора” мамлекеттик санаторийинин жетекчиси Медер Тилекматов билдирди.

Анын айтымында, айрым серепчилер ушул эс алуучу мезгил экономикалык каатчылыктын айынан оор болот деп айтып жатышат. Бирок жүргүзүлгөн изилдөөлөрдүн жана сурамжылоолордун натыйжасында Ысык-Көлгө келе турган туристтердин саны быйылкы жылы көп болот.

“2013-жылы Ысык-Көл облусунда болгон окуялардан улам туристтер азыраак келген. Ушул жылы андай нерселер орун алган жок. Эгер саясий абал туруктуу болсо, сырткы туристтердин саны миллионго жетет”,- деди ал.