Ысык-Көл. Каракол шаарында жаңы жылдык балатынын ачылыш аземи болду

Жаңы 2013-жылды тиешелүү деңгээлде тосуп алуу боюнча Каракол шаардык мэриясынын тескемесине ылайык, шаарда бир катар майрамдык иш-чаралар жүргүзүлүүдө. Шаардын борбордук аянтын кооздоону "Тазалык" коммуналдык ишканасы колго алган. Ал эми Маданият үйүнүн чыгармачыл жамааты балдардын балаты майрамына театрлашкан оюнун даярдашып, кезеги менен өткөрүүдө. 24-декабрь күнү борбордук аянтта жаңы жылдык балатынын ачылыш аземи өткөрүлдү. Анда жергиликтүү жетекчилер шаар тургундарын куттукташып, атайын маданият кызматкерлери концерттик майрамдык программа тартуулап, соңунда жаштар үчүн бий уюштурулду.

Автор: Айзат Анарбекова