Жылнаама, 1-апрель: Эл аралык күлкү күнү

* Мындан 3 жыл мурун ЖКнын депутаттары Камчыбек Ташиев менен Алтынбек Сулайманов мушташа кетишкен. Ортого түшкөн арачылардан бери кызыл чеке болушуп, араң дегенде басылышкан. Кийин 12-апрелде урушкан депутаттар расмий түрдө элдешишкен.

* 1-Апрель – Эл аралык күлкү күнү. Бул күн биринчи жолу Францияда белгиленгени айтылат. Адистердин айтымында, жеңил мүнөз майрамдын жаралышына табияттын жаз убагындагы тез өзгөрмө кубулушу себеп болгон.

* 1-Апрель – Канаттууларды коргоонун эл аралык күнү. Бул күн 1906-жылы кабыл алынган Канаттууларды коргоо конвенциясына ылайык белгиленип келет.

* 1946-жылдын бул күнү Алеут аралдарында күчү 8,6 баллга жеткен жет титирөө катталган. Анын кесепетинен бийиктиги 35 метрге жеткен цунами пайда болуп, 165 адамдын өмүрүн алып кеткен. Ошондой эле 26 миллион доллар чыгым алып келген.

Жылнаама толугу менен бул жакта...

Автор: Бекжан Рыскулов