Жаңы коалиция премьер-министрге депутаттар сунуштаган өкмөт мүчөлөрүн тандоо укугун берди

Парламентте жаңы түзүлгөн коалиция премьер-министрге депутаттар тарабынан сунушталган өкмөт мүчөлөрүн тандоо укугун берди. Башкача айтканда, министрликке коалициядагы фракциялар сунуштаган талапкер жакпаса, өкмөт башчы аны бекитпей, каршылык билдире алат. Муну бүгүн, 31-мартта “Ар-намыстын” лидери Феликс Кулов билдирди.

“Бирок бул нерсе министрлерди дайындоого гана тийиштүү. Агенттик жана кызматтарга тиешеси жок”,- деди Кулов.

Айта кетсек, бүгүн парламентте жаңы коалиция түзүлүп, ага “Ата Мекен”, “Ар-намыс” жана КСДП фракциялары кирди.

Автор: Автандил Добулбеков