Икрамидин Айткуловду жактоочулук лицензиясынан ажыратуу маселеси жылдырылды

Бүгүн, 25-декабрда Адилет министрлиги депутат Камчыбек Ташиевдин кызыкчылыгын жактаган Икрамидин Айткуловду жактоочулук лицензиясынан ажыратуу маселесин карамак. 7-декабрь күнү Башкы прокуратура Адилет министрлигине Икрамидин Айткуловду "Камчыбек Ташиевдин тергөө аракеттерин бузуп, негизсиз, такталбаган билдирүүлөр менен коомчулукту чаташууга алып барды" деген айып менен адвокаттык лицензиясын алуу тууралуу өтүнүч жиберген. Адилет министрлигинен маалым болгондой, бул маселени караган комиссиянын 2 мүчөсү ооруп келбей калгандыгына байланыштуу маселени кароо 9-январга жылдырылды.

Автор: Айдай Асанбекова