Жалал-Абад шаарында 25 миң калкты тейлөөчү эмкана курулууда

"Жалал-Абад шаарында учурда Үй-бүлөлүк медициналык борбор курулуп жатат. Курманбек аймактык башкаруусундагы 25 миң калкты тейлөөчү мурдагы эмкананын эскилиги жетип калган" деп маалымдайт шаардык мэриянын басма сөз кызматы.

Маалыматка ылайык, аталган медициналык борбор 12 бөлмөдөн турары маалым жана анын курулушуна "АРИС" 100 миң доллар каражат бөлүп берген. Бул акча имараттын 95 пайызын бүткөрүүгө жетет. Сарпталуучу акчанын 5 пайызы Жалал-Абад шаардык мэриясынын бюджетинен бөлүнмөкчү.

Учурда эмкананын 1-кабатынын курулуш иштери аягына чыгууда. Эл эми пайдаланууга ушул жылдын июнь айында берилери күтүлүүдө.

Автор: Мальвина Уметбекова