Токтогул Сатылгановдун 150 жылдыгына арналган көргөзмөнүн ачылыш аземи болуп өттү (фоторепортаж)

Көргөзмөнүн ачылыш аземинен.

Көргөзмөгө келген конокторго чакан концерт уюштурулду.

Көргөзмөгө келген студенттер, окуучулар.

Т.Сатылгановдун отурган абалындагы эстелиги.

Т.Сатылгановдун үй-бүлөсү: небере, чөбөрөлөрү.

Сүрөттө Т.Сатылганов.

Токтогул Сатылганов шакирттери менен.

Токтогулдун экинчи аялы Сейдимкан.

Токтогулдун кызы Гүлсара атасынын айкелинин жанында.

Иш-чарага катышкан окуучулар Т.Сатылгановдун небереси Молдожан менен эстеликке сүрөткө түшүштү. "Бизге бул көргөзмө Токтогул Сатылгановду жакындан таанууга мүмкүндүк берди" дешет алар.

Сүрөттөгү кичинекей Молдожан Бабажан уулу азыр 60ка таяп калды. "Көргөзмөгө чоң атам Токтогулдун образын, искусствосун чагылдырган эмгектер коюлуптур. Мен ушундай залкар адамдын небереси экениме сыймыктанам".

Небереси Молдожан Бабажан уулу.

Токтогул акындын уулу Бабажан.

Токтогул Сатылгановдун үй-бүлөсүнүн архивиндеги сүрөттөр. Сүрөттө Токтогулдун экинчи аялы Сейдимкан неберелери менен.

Токтогулдун айкели.

Өмүр баянын чагылдырган стенограмма.

Сүргүндө токойдон карагай тартып иштеп жатканы.

Сүргүндө жүргөн Токтогулдун элин сагынып, санаа тартып жаткан кези.

Көргөзмөнүн жүрүшүнөн.

Токтогул сүргүндө, зынданда.

Ойго баткан Токтогулдун элеси.

Токтогул сүргүндө, зынданда жатканда.

"Токтогул Сатылганов сүргүндө" темасындагы графикалык эмгек. Автор: КРнын Эл сүрөтчүсү Аркадий Осташов.

Т.Сатылгановго арналган көргөзмөгө келгендер улуу инсанды сүрөткө тартып жатышты.

Бүгүн, 2-апрелде акын жана комузчу Т.Сатылгановдун 150 жылдыгына арналган көргөзмөнүн ачылыш салтанаты Ольга Мануйлованын мемориалдык үй-музейинде өткөрүлдү. Аземге акындын туугандары, студенттер, окуучулар катышты. Алар көргөзмөгө коюлган КРнын Эл сүрөтчүсү Аркадий Осташовдун “Токтогул Сатылганов сүргүндө” темасындагы графикалык эмгегин, акындын үй-бүлөлүк архивиндеги сүрөттөрдү жана отурган абалындагы эстелигин көрө алышты.

Акындын жашы 60ка таяп калган небереси Молдожан Бабажан уулу да бул көргөзмөгө келип катышты. Ал өз сөзүндө "Көргөзмөгө чоң атам Токтогулдун чыгармачылыгын, образын чагылдырган эмгектер коюлуптур. Мен ушундай залкар адамдын небереси экениме сыймыктанам" деп кубанычын жашырбады.

Автор: Динара Абдыкадырова
Фото: Динара Абдыкадырова