"Кримавторитет" Камчы Көлбаевдин иши боюнча сот отуруму 16-апрелге жылдырылды

"Криминалдык авторитет" Камчы Көлбаевдин иши боюнча сот отуруму 16-апрелге жылдырылды. Бул тууралуу Жогорку Соттон бүгүн, 8-апрелде билдиришти.

Маалыматка караганда, 8-апрелде Көлбаевдин иши Жогорку Сотто каралмак. Бирок жактоочулардын сунуштамасы менен отурум кийинкиге жылдырылган.

Айта кетсек, 2013-жылдын 18-октябрында Бишкек шаарынын Биринчи Май райондук соту "кримавторитет" Камчы Көлбаевди "акча талап кылуу" беренеси боюнча күнөөлүү деп таап, 5 жыл 6 айга эркинен ажыраткан. Кийин Көлбаевдин жактоочусу Сергей Манукян соттун чечимине макул эместигин билдирип, Бишкек шаардык сотуна кайрылган. Шаардык сот Көлбаевдин жаза мөөнөтүн 3 жылга чейин кыскарткан. Буга да макул болбогон айыпталуучунун жактоочусу Жогорку Сотко кайрылган.

Автор: Бекжан Рыскулов