Аткезчилик жол менен Кытайдан 40 тонна алма алып келе жаткандар кармалышты

Нарын облусунда аткезчилик жол менен Кытайдан 40 тонна алма алып келе жаткандар кармалышты. Бул тууралуу Нарын ОИИБинин басма сөз кызматы бүгүн, 8-апрелде билдирди.

Маалыматка караганда, Ак-Суу районунун тургуну А.Алишеровдун башкаруусундагы Volvo жана Кара-Балта шаарынын тургуну Т.Нурдиндин башкаруусундагы DAE унаасы токтотулган. Унаалардын ичинде 40 тонна алма болгон. Бирок унаанын ичинде картошка болушу керек эле. Буга Санитардык коопсуздук боюнча мамлекеттик инспекциянын кызматкери Ат-Башы районундагы Торугарт өткөрүү бекетинен алмага “картошка” деп жасалма документ берген. Учурда бул боюнча кылмыш иши козголуп, тергөө амалдары жүрүп жатат.

Автор: Бекжан Рыскулов