2-апрель түнү болгон өрт кырсыгы боюнча кылмыш иши козголду

2-апрель түнү болгон өрт кырсыгы боюнча кылмыш иши козголду. Бул тууралуу ИИМдин басма сөз кызматы бүгүн, 9-апрелде билдирди.

Маалыматка караганда, Бишкек шаарынын Биринчи Май райондук Ички иштер башкармалыгы тарабынан КРнын Кылмыш-жаза кодексинин 174-беренеси (мүлктү атайылап жок кылуу же зыянга учуратуу) боюнча кылмыш иши козголгон.

Эске сала кетсек, 2-апрель түнү Бишкек шаарынын Манасчы Сагымбай көчөсү-168-дарегиндеги 2 кабаттуу көп батирлүү үйдө өрт кырсыгы катталган. Анда 8 батир толугу менен күйүп, эки адамдын өмүрү кыйылган.

Автор: Бекжан Рыскулов