Аламүдүн районунда “жаш кызды бычак менен коркутуп, зордуктады” деген шек менен 25 жаштагы жаран кармалды

Аламүдүн районунда “жаш кызды бычак менен коркутту” деген шек менен 25 жаштагы жаран кармалды. Маалыматка ылайык, милицияга 19 жаштагы кыз кайрылган. Ал 26-март күнү 23:30 чамасында белгисиз адам үйүнө кирип келип, бычак менен коркуткан. Андан соң күч колдонуп зордуктап кеткен.

Иликтөө иштеринин жүрүшүндө бул кылмышка шектелип Жалал-Абад облусунда туулган, 25 жаштагы М.Э. колго түшүрүлдү. Кармалган адам кылмышты мойнуна алып, убактылуу кармоочу жайга киргизилди.

Аталган факт боюнча КРнын Кылмыш-жаза кодексинин “зордуктоо” беренеси менен кылмыш иши козголуп, иликтөө иштери уланууда. Бул тууралуу 9-апрелде Чүй облустук Ички иштер башкы башкармалыгынын басма сөз кызматы маалымдады.

Автор: Айпери Ганыжан кызы