Чек арачылар тарабынан "мамлекеттик чек араны мыйзамсыз кесип өтүүгө аракет кылган" деп шектелип Казакстандын жараны кармалды

Кечээ, 8-апрелде “Чалдыбар-унаажол” көзөмөл өткөрүү жайынан чек арачылар тарабынан Казакстандын жараны кармалган. Аны текшерүү учурунда жанынан 12 калибрлүү 9 даана ок табылган. Бул тууралуу Чек ара кызматынын басма сөз кызматы бүгүн, 9-апрелде маалымдады.

Маалыматка таянсак, кармалган жаран Кыргызстандан коңшу Казакстанга өтүүгө аракет кылган.

Тиешелүү документтер толтурулуп, кармалган жаран Чүй облусунун Жайыл райондук Ички иштер башкармалыгынын кызматкерлерине өткөрүлүп берилди.

Автор: Мальвина Уметбекова