Аламүдүн районунда "жазасын өтөп жаткан жолдошуна баңгизатын берүүгө аракет кылган" деп шектелип жубайы кармалды

Аламүдүн районунда "жазасын өтөп жаткан жолдошуна баңгизатын берүүгө аракет кылган" деп шектелип, жубайы кармалды. Бул тууралуу Чүй ОИИББинин басма сөз кызматы бүгүн, 10-апрелде билдирди.

Маалыматтарга караганда, Молдовановкадагы колонияда жазасын өтөп жаткан күйөөсүнө жолугушуу үчүн жубайы келген. Анын азык-түлүк салынган баштыгын текшерүүгө алганда 35 грамм гашиш табылган. Учурда кармалган айым Аламүдүн райондук милиция кызматкерлерине өткөрүлүп берилди. Тергөө амалдары жүрүүдө.

Автор: Нуриза Чынарбекова