Ысык-Көл. Түп районунда кар көчкүдөн эки адам каза тапты

Ысык-Көл облусунун Түп районундагы Чоң-Таш аймагында 26-декабрь күнү саат 20:00 чамасында Чоң-Таш айылынын Орто-Айрык коктусуна 3 адам аттары менен отунга чыгып, кар көчкүнүн астында калышкан. Бул тууралуу КРнын ӨКМнын Ысык-Көл облусу боюнча башкармалыгынын ыкчам кезметчиси Бактыяр Токсомбаев маалымдады. Белгилей кетсек, кар көчкүнүн көлөмү 3000 м³ түзгөн. Натыйжада 2 адам каза болуп, 1 адам жабыркаган. Жергиликтүү тургундар тарабынан каза болгон адамдардын сөөктөрү саат 23:50 чамасында табылды. Каза болгондор: 1980-жылы туулган Н.Бердибеков, 1989-жылы туулган Т.Кантереев. Ал эми А.Токтобаевдин буту сынган.

Автор: Айзат Анарбекова