Транспорт жана коммуникация министрлигинин бөлүм башчысы пара талап кылуу фактысына шектелип кармалды

Транспорт жана коммуникация министрлигинин бөлүм башчысы пара талап кылуу фактысына шектелип кармалды. Бул тууралуу УКМКнын басма сөз кызматы бүгүн, 11-апрелде билдирди.

Маалыматка караганда, Транспорт жана коммуникация министрлигинин алдындагы Автоунаа жана суу транспорту боюнча мамлекеттик агенттиктин бөлүм башчысы мурда алынган 200 миң сом акча каражатын берүү учурунда кармалды.

Иликтөөнүн жүрүшүндө, кармалган мамлекеттик кызматкердин жүргүнчүлөрдү ташууга уруксат документтерин алып берүү үчүн ишкерден акча каражатын алганы аныкталды.

Учурда “кызмат абалынан кыянаттык менен пайдалануу”, “опузалап пара талап кылуу” беренелери боюнча кылмыш иши козголуп, тергөө амалдары жүрүп жатат.

Автор: Бекжан Рыскулов