“Караколдо баш аламандык уюштурушту” деп айыпталып жаткандар боюнча сот отуруму 18-апрелге жылдырылды

Айыпталып жаткандардын бири Кайрат Качаганов

Биринчи Май райондук соту

Бүгүн Биринчи Май райондук сотунда “Караколдо баш аламандык уюштурушту” деп айыпталып жаткандар боюнча сот отуруму болмок. Бирок жабырлануучу тараптын келбегендигине байланыштуу 18-апрелге жылдырылды. Бул тууралуу айыпталып жаткандардын бири Абай Узаков бүгүн, 15-апрелде билдирди.

Ал эми сот жообуна тартылып жаткандардын бири, Саруу айылынын Жаштар комитетинин төрагасы Кайрат Качаганов: “Учурда сот жообуна тартылып жаткан Айбек Сарыбаев камакта отурат. Калгандарыбыз эч жакка чыкпоо каты менен боштондуктабыз”,- деди.

Айта кетсек, буга чейин “Караколдо баш аламандык уюштурушту” деп айыпталгандардын экөөсү 8 жылга, экөөсү 4 жылга эркинен ажыратылган болчу.

Эске салсак, 2013-жылдын 7-октябрында «Кумтөр» боюнча меморандумга каршы акция уюштурулган. Анда митингдин катышуучулары өкмөттүн Ысык-Көл облусундагы өкүлү Эмилбек Каптагаевди бир нече саатка унаада барымтада кармап, андан соң облустук администрацияны курчоого аракеттенишкен. Бул окуяларга тийиштиги бар делинип Жети-Өгүз районунун 18 тургуну кармалып, аларга «барымтадагыларды бошотпоо», «бейбаштык» жана «бийлик өкүлүнө күч колдонуу» беренелери боюнча кылмыш иши козголгон.

Автор: Мирлан Өмүралиев

15:41 15-04-2014

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 865 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 565 0

16:22 2025-05-09 | Супер-Инфо

Геморрой жана анын түрлөрү 595 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1859 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 688 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1243 0

Архив

Комментарийлер (2)

nurali20

2014-04-15 15:53:51

Кумтордун пайдасынан зыяны коп чынында.Жаш балдар ар кандай дефект менен торолуудо,анын бири шек билгизбей жок кылынат,врачда,ата-энеси да унчукпайт.Кандай жол менен,кантип ооздорун басат табышмак?1-акча менен бул турган иш,ал эми кээ бир уй-булоого акча анча зарыл эмес бирок алар да арызданбайт,кандайдыр бир жол менен тынчтанышат.Бул факт!Биздин генге доо кетип жатат.Мындай ымыркайлардын жок кылынышы бул -кылмыш.

jaazira13

2014-04-15 18:37:29

факт дегени менен коркпой эле корсотпойбу???? откон жылы минздравтын врачтары барып аномалиялык эч нерсе тапкан жокко???бир популист бир деме деп кыйкырып койсоле эл ишене берет

Комментарий калтыруу үчүн өз ысымыңыз менен кириңиз же каттоодон өтүңүз.