Ош. "Тазалык" муниципалдык ишканасы жаңы унаа жана кийимдер менен камсыз болду

Оштогу "Тазалык" атайын адистештирилген муниципалдык ишканасынын кызматкерлери 55 даана бирдиктүү формага ээ болушту. Ошондой эле бир унаа менен толукталды. Андан тышкары 12 даана кузов алынып келди. Бул тууралуу бүгүн, 16-апрелде аталган ишкана жетекчиси Талант Капаров билдирди.

Анын айтымында, буга чейин аталган ишканада 39 техника иштеп келсе, анын 30у гана ишке жарактуу болгон. Акыркы жолу бул ишканага 2009-жылы техникалар алынып келген.

“Жаз алды менен таштанды тазалоо иши күчөп, кызматкерлер күн сайын 2 маал шаардагы таштандыларды тазалап турушат. Мындан улам кызматкерлерге 55 даана жаңы бирдиктүү форма берилди. Техникаларды жаңылоо боюнча шаардык мэриядан 4 миллион сом өлчөмүндөгү каражат бөлүнгөн”,- деди ал.

Автор: Айсана Паизова