19-апрелде сүрөтчү Мамыралы Эшбаевдин жеке көргөзмөсүнүн ачылыш аземи болот

19-апрелде Бишкектеги Гапар Айтиев атындагы Улуттук көркөм өнөр музейинде сүрөтчү Мамыралы Эшбаевдин жеке көргөзмөсүнүн ачылыш аземи орун алат. Бул тууралуу бүгүн, 16-апрелде аталган музейдин басма сөз кызматынан билдиришти.

Белгилей кетсек, Мамыралы Эшбаев 1959-жылы Ала-Бука районуна караштуу Ызар айылында туулган. 1985-жылы Пржевальск педагогикалык институтунун көркөм графикалык факультетин аяктаган. Анын эмгектери республикалык, облустук жана чет өлкөлүк көргөзмөлөргө коюлуп келет. 1991-жылдан бери Кыргыз Республикасынын Сүрөтчүлөр союзунун мүчөсү. Учурда Ош гуманитардык университетинин доценти.

Автор: Динара Абдыкадырова