“Газпром” Орусиянын Кыргызстандагы элчилиги менен биргеликте ден соолугунун мүмкүнчүлүгү чектелгендерге жардам берди

Декабрь айы Кыргызстанда ден соолугунун мүмкүнчүлүгү чектелгендерге жардам көрсөтүү айы деп жарыялангандыктан, “Газпром Азия” Орусиянын Кыргызстандагы элчилиги менен биргеликте Кыргызстандагы көптөгөн майыптар уюмдарына жардам көрсөтүштү. 200 миң сомдук азык-түлүктөр беш уюмга берилди. Атай кетсек, Токмоктогу Сокурлар жана дүлөйлөр коомуна, Ак-Суудагы Психоневрологиялык интернат-үйүнө, Бакай-Атадагы Майыптардын интернат-үйүнө, Ивановка айылындагы Балдардын психоневрологиялык интернат-үйүнө жана Оштогу Сокурлар жана дүлөйлөр коомуна. Бул уюмда миңдеген мүмкүнчүлүгү чектелгендер бар.

Автор: Гүлмайрам Сабырбекова