Ахматбек Келдибековдун кармалышы боюнча түзүлгөн депутаттык комиссия ишин аяктаганы айтылды

Депутат Ахматбек Келдибековдун 2013-жылдын 18-ноябрында кармалып, СИЗОго камалышынын мыйзамдуулугун иликтеген депутаттык комиссия ишин аяктады. Муну бүгүн, 17-апрелде депутат Абдыжапар Бекматов билдирди. “Материалдар даяр, маселе күн тартибине кирсе, депутаттарга таратып беребиз”,- деди депутат. Комиссиянын иш жыйынтыгын бүгүн угуу сунушталууда.

Төраганын орун басары Төрөбай Зулпукаров: “Күн тартибине киргизилет, бирок жетишпей калышыбыз мүмкүн. Анткени карала турган олуттуу маселелер көп”,- деп билдирди.

Автор: Автандил Добулбеков