Акыркы 3 айда Жалал-Абад облусунда баңгизатына байланыштуу 46 кылмыш иши катталды

Жыл башынан бери Жалал-Абад облусунда баңгизатына байланыштуу 46 кылмыш иши катталды. Бул тууралуу бүгүн, 17-апрелде Жалал-Абад ОИИБинин басма сөз кызматы билдирди.

Маалыматка караганда, баңгизатты мыйзамсыз жүгүртүүгө каршы күрөшүү аракетинин натыйжасында 212 килограмм 143 грамм прекурсорлор мыйзамсыз жүгүртүүдөн алынган. Кармалгандардын 30у баңгизатын мыйзамсыз сактап жүрсө, 11и мыйзамсыз сатышкан. Бул көрүнүш өткөн жылдын биринчи чейрегине салыштырмалуу көп.

Айта кетсек, 2013-жылдын биринчи чейрегинде 76 килограмм 194 грамм баңгизаты кармалган болчу.

Автор: Айсана Паизова