Алтынай Өмүрбекова: "Бишкек шаарына кошула турган айрым конуштардын документтери өкмөткө жөнөтүлдү"

Бишкек шаарына бир катар конуштардын кошулушу тууралуу документ өкмөткө жөнөтүлдү. Бул тууралуу Ленин районунун акими Алтынай Өмүрбекова бүгүн, 17-апрелде Бишкек шаардык кеңешинин «Замандаш-Современник» фракциясынын отурумунда билдирди.

“Бул маселе боюнча иш алып барган жумушчу топтун иши аяктады. Комиссиянын мүчөлөрү дагы кошумча аймактар Бишкек шаарынын аймагына өтөрү боюнча документке кол коюшту. Бирок Бишкекке кошула турган жаңы конуштардын арасында Аламүдүн районундагы Ак-Жар конушу жана башка дагы конуштарда маселе бар. Алардын ичинде мыйзамдаштырылбаган жерлер бар”,- деди Алтынай Өмүрбекова.

Автор: Жамалидин Парманкулов