Бишкекте талап-тоноочулукка шектелип өспүрүмдөр кармалды

Бишкекте талап-тоноочулукка шектелип өспүрүмдөр кармалды. Бул тууралуу 17-апрелде Бишкек ШИИББинин басма сөз кызматы билдирди.

Белгилүү болгондой, борбор калаадагы Чүй жана Жаш Гвардия көчөлөрүнүн кесилишинен 16-17 жаштардагы 10-12ге чукул өспүрүм 17 жаштагы О.Алмаз аттуу Бишкек шаарынын тургунунун «ТOVCНМАТЕ» үлгүсүндөгү планшетин жана 500 сом акчасын күч колдонуп тартып алышкан. Ленин РИИБинин кызматкерлери тарабынан аталган кылмышка шектүү катары төмөндөгү өспүрүмдөр кармалган:

1) 1996-жылы туулган Чүй облусунун тургуну Р.Сапар (апасы Ж.Айгүл, 1979-жылы туулган);

2) 1997-жылы туулган Бишкек шаарынын тургуну Б.Дияс (эжеси Н.Айжан, 1995-жылы туулган);

3)1997-жылы туулган Бишкек шаарынын тургуну А.Бекбол (эжеси М.Гүлнур, 1989-жылы туулган);

4)1997-жылы туулган Бишкек шаарынын тургуну Ж.Канат (агасы Ж.Кайрат, 1994-жылы туулган)

5) 1997-жылы туулган Чүй облусунун тургуну К.Баек (атасы К.Уланбек, 1973-жылы туулган).

Учурда иликтөө иштери уланууда.

Автор: Мирлан Өмүралиев