Өткөн сутка ичинде республика боюнча 11 өрт кырсыгы катталды

Өткөн сутка ичинде республика боюнча 11 өрт кырсыгы катталды. Бул тууралуу бүгүн, 18-апрелде Өрткө каршы мамлекеттик кызматы билдирди.

Маалыматка ылайык, Чүй облусунда 4, Талас облусунда 1, Ысык-Көл облусунда 4, Нарын облусунда 1, Ош облусунда 1 өрт кырсыгы катталган.

Чүй облусунун Сокулук районундагы Романовка айылында турак үйдөн өрт чыгып, бөлмөнүн 4 чарчы метр жыгач полу жана эмеректер күйүп кеткен. Кырсыктын айынан үй ээси жаракат алып, ооруканага жеткирилген. Маалыматтарга ылайык, өрт электр жабдууларын колдонуудагы шалаакылыктан келип чыккан. Өрт кырсыгы тууралуу маалымат 23:56да түшүп, 00:20да өрт толугу менен өчүрүлүп бүткөн.

Автор: Мирлан Өмүралиев