Бишкектин айрым райондорунда дем алыш күндөрү электр жарыгы өчүрүлөт

Эртең, 19-апрелде саат 9:00дөн 17:00гө чейин борбордогу Арча-Бешик конушундагы (Кең-Суу, Волдайская, Бах көчөлөрүндө) "Новоюжная" көмөк чордондорунан тараган 10 кВт аба электр берүү чубалгыларындагы оңдоо иштерине байланыштуу электр жарыгы өчүрүлүшү мүмкүн. Бул тууралуу бүгүн, 18-апрелде "Түндүк электр" ишканасынын басма сөз кызматы билдирди.

Ошондой эле 21-апрелде саат 9:00дөн 17:00гө чейин Аламүдүн районундагы Беш-Күнгөй, Октябрь айылдарында, Сокулуктагы Сокулук, Военно-Антоновка айылдарында, Чүй районундагы Кош-Коргон, Кара-Дөбө, Искра, Биримдик, Жаңы-Турмуш, Сайлык айылдарында, жогорку чыңалуудагы "Беш-Күнгөй", "Карл Маркс", "Ботбаева", "Военно-Антоновка" көмөк чордондорунан тараган 10 кВт аба электр берүү чубалгыларында, "Кош-Коргон" көмөк чордонундагы оңдоо иштерине байланыштуу электр жарыгы убактылуу өчүрүлөт.

Автор: Мальвина Уметбекова