Түштүк Кореядагы кырсыктан каза болгондордун саны 64кө жетти

Түштүк Кореядагы кырсыктан каза болгондордун саны 64кө жетти. Бул тууралуу бүгүн, 21-апрелде чет элдик маалымат булактары жазышты. Буга чейин куткаруучулар 54 адамдын жансыз денесин суудан алып чыгышкан. Учурда дагы 238 адамдын дайыны билинбей жатат.

Эске салсак, 16-апрель күнү Түштүк Кореяда жүргүнчүлөрдү ташуучу кеме чөгүп кеткен. Анда жалпы 475 адам болгон. Алардын 325и - саякатка чыккан мектеп окуучулары, 14ү - мугалимдер, 111и - жүргүнчүлөр, 25и - экипаждын кызматкерлери.

19-апрель күнү кеменин капитаны Ли Чжун Сок “өз милдеттерин так аткарган эмес” жана “деңиз мыйзамдарын одоно бузган” деп айыпталып, камакка алынды. Ал кеме чөгүп бара жатканда экипажды башкарбай чыгып кеткенин жана ал учурда кемени 25 жаштагы жардамчысы башкарганын айтып, күнөөсүн мойнуна алды.

Автор: Бекжан Рыскулов