"Ата Мекен” фракциясынын депутаттары "Беш-Сары" спорт клубунун ачылышына катышты

Өмүрбек Текебаев баштаган ЖКдагы “Ата Мекен” фракциясынын депутаттары Болот Шер, Гүласал Садырбаева, Туратбек Мадылбеков, Абдимуктар Маматов жана Бакыт Калмаматов бүгүн, 28-декабрда Бишкек шаарындагы “Беш-Сары” спорт клубунун ачылышына катышты. Спорт клубунун тасмасын кесүүгө фракция лидери Өмүрбек Текебаев катышты. Өмүрбек Текебаев мамлекеттин колдоосуна муктаж болуп жаткан мезгилде адамдардын жашоо образы болгон спортту колдоого багытталган спорттук клубдун ачылышын жакшы саамалык катары баалады. “Мамлекет сыймыктанар инсандары болгондо гана мамлекет болот” деген фракция лидери жаш муундарды тарбиялоодо, алардын туура эмес жолдорго түшүп кетишине тоскоол болгон мындай спорттук клубдардан Кыргызстандын сыймыктанган атуулдары чыксын” деген тилек айтты.

Автор: Автандил Добулбеков