Сирияда президенттикке биринчи талапкер арыз берди

Бүгүн, 23-апрелде Сирияда шайлоо комиссиясына президенттикке биринчи талапкер, өлкө парламентинин депутаты Махер Абдул Хафиз Хаджар арыз берди. Бул тууралуу чет элдик маалымат булактары жарыялады.

Маалыматта айтылгандай, Хаджар 1984-жылдан бери Сириядагы Коммунисттик партиянын курамында. Сириядагы каатчылыктын алгачкы баскычтарында өкмөткө каршы акцияга катышканы айтылды.

Эскерте кетсек, өткөн аптада Сирия парламенти президенттик шайлоону 3-июнга белгилеген.

Талапкерлердин арызын кабыл алуу 1-майга чейин улантылат.

Автор: Жамалидин Парманкулов