Бишкекте “чоң суммадагы акча каражатын уурдаган” деп шектелип Чүй облусунун тургуну кармалды

Бишкекте “чоң суммадагы акча каражатын уурдаган” деп шектелип Чүй облусунун тургуну кармалды. Бул тууралуу Бишкек ШИИББинин басма сөз кызматы бүгүн, 24-апрелде билдирди.

Маалыматка караганда, Бишкек шаарынын 36 жаштагы тургуну милицияга кайрылган. Анда акча алмаштыруучу жайдан белгисиз бирөө 1,3 миллион сом уурдап кеткенин айткан. Ошондой эле ал 2011-жылдын январь айында да 400 миң сом уурдалганын белгилеген.

Учурда кылмышка шектүү катары Чүй облусунун 30 жаштагы К.Максат аттуу тургуну кармалды. Тергөө амалдары жүрүп жатат.

Автор: Бекжан Рыскулов