Өлкө башчы тарабынан коомдук ишмер Ишенбай Абдуразаковдун үй-бүлөсүнө материалдык жардам көрсөтүлдү

Бүгүн, 24-апрелде Кыргыз Республикасынын Президенти Алмазбек Атамбаев кол койгон буйрукка ылайык, коомдук ишмер Ишенбай Абдуразаковдун үй-бүлөсүнө материалдык жардам көрсөтүлдү.

Коомдук ишмердин кайтыш болгондугуна байланыштуу анын үй-бүлөсүнө материалдык жардам көрсөтүү үчүн Президенттин резервдик фондунан 100 000 (жүз миң) сом бөлүндү. Бул тууралуу президенттин басма сөз кызматы билдирди.

Эске салсак, 24-апрелге караган түнү коомдук ишмер жана саясат таануучу Ишенбай Абдуразаков 77 жаш курагында каза болгон.

Автор: Айпери Ганыжан кызы