"11 жашар баланы тапанча менен коркутуп, планшетин тартып алган" деп шектелип 40 жаштагы жаран кармалды

Бишкектин 40 жаштагы тургуну 11 жашар баланы медициналык бет кап кийип алып тапанча менен коркутуп, жанындагы планшетин тартып алган. Бул тууралуу Бишкек ШИИББинин басма сөз кызматы бүгүн, 25-апрелде билдирди.

Белгилүү болгондой, Бишкек шаарынын 40 жаштагы Т.Жеңишбек аттуу тургуну 45 жаштагы борбор калаанын тургуну Д.Еленанын үйүнө медициналык бет кап кийип кирген. Андан соң үйдөгү 11 жаштагы Д.Амирдин колу-бутун таңып, тапанча менен коркутуп “Сосмик-7” үлгүсүндөгү планшетин алып кеткен.

Биринчи Май РИИБи тарабынан жүргүзүлгөн аракеттердин натыйжасында кылмышка шектүү кармалып, иликтөө иштери уланууда.

Автор: Мирлан Өмүралиев