Башкы прокуратура: Кадрлар резерви боюнча сынактын акыркы этабы өтөт

Прокуратура органдарынын кадрлар резервине кызматкерлерди тандоо боюнча сынактын акыркы этабы 28-29-апрелде өтөт. Муну бүгүн, 25-апрелде Башкы прокуратуранын басма сөз кызматы билдирди. Сынак Башкы прокуратуранын Прокурордук кызматкерлерди кесиптик даярдоо борборунда (Бишкек шаары, Абдумомунов көчөсү-276) орун алмакчы. Анда баарлашуу болуп, тестирлөө, эссе жазуу этаптарынан ийгиликтүү өткөн талапкерлер катышат.

Буга чейин башкы прокурор Аида Салянова акыркы этаптан бир нече талапкер кулап калышы мүмкүн экенин билдирген эле.

Автор: Автандил Добулбеков