Өрткө каршы кызматы Бишкек шаарындагы соода борборлорунун биринде машыгуу өткөрдү (фоторепортаж)

Машыгуу бүттү.

Бишкек шаардык өрткө каршы кызматынын жетекчиси кызматкерлерге алардын катачылыктарын санап жатат.

Машыгуунун жыйынтыгында.

Өрт бул килем сатылуучу жер төлөдө чыкты деп болжонду.

Өрт өчүрүүчүлөрдүн ишине тоскоолдук жараткан айдоочулар да болду.

Павлов көчөсү тараптан келген өрт өчүрүүчү унаа жол боюнда токтотулган унаалардын арасында турду.

Өрт реалдуу болгон мезгилдерде унаанын капоту ачылышы кажет. Мотор салкындатылып туруусу шарт.

Өрт өчүрүүчүлөр иш үстүндө.

Өрт өчүрүүчүлөр суу чачуучу ийкем түтүктөрдү чубап жатышат.

Өрт тууралуу маалыматтан кийин өрт өчүрүүчүлөр 15 мүнөттө келишти.

"Берекет Гранд" соода борборунун алдына токтотулган унаалар өрт өчүрүүчү унаалардын убактысын алгандыгы айтылды.

Машыгуу иштеринин алдында

Бүгүн, 28-апрелде Өрткө каршы мамлекеттик кызматы Бишкек шаарындагы соода борборлорунун биринде машыгуу өткөрдү. Анда "Берекет Гранд" соода түйүнүндө чыккан өрт тууралуу маалымат 10:15те келип түштү. Өрткө каршы кызматынын кызматкерлери өрт чыкты делген жайга 10:30да келип калышты. Өрт соода түйүнүнүн жер төлөсүндөгү килемдер сатылуучу бөлүгүнөн чыкканы белгилүү болду. Өрткө каршы кызматы өрт өчүрүүчү 3 унаа менен келишип, Павлов, Кулиев көчөлөрү тарабынан жана аталган соода борборунун алдынан өрткө каршы чара көрүштү.

Бишкек шаардык өрткө каршы кызматынын жетекчиси З.Алжанов: “Аталган окуу иш-чарасында реалдуу өрт чыгып кетсе, кандай чара көрүлүш керектигин аныктайбыз. Реалдуулукка болушунча жакындатканга аракет кылабыз”,- деди. Иш-чаранын аягында Алжанов бир катар өрт өчүрүүчү кызматкерлерине сын айтып, алардын катасын көрсөтүп берди.

Автор: Мирлан Өмүралиев
Фото: Мирлан Өмүралиев