Депутаттар чегирткелерди жок кылууга жеңил учактарды ишке киргизүүнү сунушташууда

Депутаттар дыйканчылык талаалардагы чегирткелерди жок кылууга жеңил учактарды ишке киргизүүнү сунушташууда. Муну парламенттин Агрардык саясат, суу ресурстары, экология жана аймактык өнүгүү комитетинин 28-апрелдеги жыйынында депутат Мамытбай Салымбеков айтып чыкты. "Бул боюнча мыйзам долбоорун сунуштап, 2 айдан бери өткөрө албай жатам. Бул бир кыйла арзан түшмөк. Трактор менен иштесе, толтура солярка кетет. Ушул демилгени колдоп койгула",- дейт депутат.

Салымбеков Нарында быйыл аба ырайынын кургакчыл болушу чегирткелердин көп болушуна себеп болорун кошумчалады.

Автор: Автандил Добулбеков