Кыргызстанга Мекке шаарындагы Аль-Харам мечитинин имамы Махир бин Хамид келет

2014-жылдын 14-май күнү Кыргызстанга Арабия өлкөсүнүн Мекке шаарынын Аль-Харам мечитинин имамы шейх Махир бин Хамид келет. Бул тууралуу бүгүн, 28-апрелде муфтияттын басма сөз кызматынын өкүлү Максат Атабаев билдирди.

Анын айтымында, шейх Махир бин Хамид 14-15-16-май күндөрү Кыргызстанда болуп, 14-майда Улуттук филармонияда өтүүчү иш-чарага катышат. Ал эми аны Кыргызстан мусулмандарынын дин башкармалыгынын муфтийи Максат ажы Токтомушев жана дин аалымдары коштоп жүрөт.

Махир бин Хамид Кыргызстанга биринчи жолу келет.

Автор: Жамалидин Парманкулов