Баткен шаарынын мэри Жаныбек Жалаловго катуу сөгүш берилди

Бүгүн, 28-апрелде Баткен шаарынын мэри Жаныбек Жалаловго коллегиялык жыйында катуу сөгүш жарыяланды. Бул тууралуу өкмөттүн Баткен облусундагы өкүлчүлүгүнүн басма сөз катчысы Дилара Парпиева билдирди.

Маалым болгондой, коллегияда “Баткен” аэропортунун маселеси каралып, Эл аралык “Манас” аэропортунун бюджетинин эсебинен 530 миллион сом бөлүнгөнү айтылды. Ошондой эле "Баткен" аэропортунун кеңейтүү үчүн мэрия тарабынан 5 гектар жер бөлүнүп берилиши керктиги, бирок Баткен шаарынын мэри Жаныбек Жалалов азыркы тапта бул маселе чечиле электигин билдирди. Баткен облусунун өкүлү Жеңиш Разаков кайдыгер караган мэрге катуу сөгүш жарыялаганын айтты.

Автор: Айсана Паизова